சிரியா நாட்டில் யேசுவின் முதல் பெண் வீர மங்கை புனித தேக்லா

       

 சிரியா நாட்டில்  யேசுவின் முதல் பெண் வீர மங்கை புனித தேக்லா

    சவுல் பவுலாக மாறியபிறகு   முன்னர் எந்த அளவுக்கு வெறித்தனமாக கிறிஸ்த்துவையும் கிறிஸ்த்துவர்களையும் வெறுத்தாரோ அந்த அளவுக்கு பன்மடங்கு அதிகமாக கிறிஸ்த்துவையும் கிறிஸ்த்துவர்களையும் நேசித்து யேசுவைப்பற்றி போதிக்க ஆரம்பித்துவிட்டார். கிரிஸ்த்துவும் அவரிடமிருந்து பல புதுமைகளை செய்யவே கிறிஸ்த்துவைம் பற்றிய தெளிவான சிந்தனை மக்களிடையே வெகுவாக பரவ ஆரம்பித்தது  இப்படியாக அவர் இன்றைய துருக்கி நாட்டின்  ஒருபகுதியான ஐகோனியும் என்னும்  ஊருக்கு வந்தார் ஐகோனியும் என்னும் பெயர் தற்போது கோணியும் ன்றழைக்கப்படுகின்றது. 

இந்த  கோணியும் பட்டிணத்தில் ஒரு உயிர்குடியில் வாழ்ந்தவள்  தியோக்லியோ என்னும் ஒரு பெண். இந்த பெண்ணுக்கு பிறந்தவள்தான் தேக்லா என்னும் ஒரு பருவ மங்கை.   பெண்கல்வி இல்லாத அந்த காலத்திலேயே தன் மகள் தேக்லாவுக்கு தத்துவம் தர்க்கம் போன்ற பல சாஸ்த்திரங்களை பயிற்றுவித்தாள். தன் மகள் தேக்லா அழகிலும் அன்பிலும் பண்பிலும் சிறந்து விளங்குவதைக்கண்டு தாய் தியோகிளியொ மிகவும் பெருமை பட்டுக்கொண்டாள். இப்படி இருக்கையில் ஒரு நாள்……

வந்தது  வினை.

எங்கிருந்தோ வந்தது ஒருகுரல். காண்போரையும் காண வைக்கும் கேட்போரையும் கேட்கவைக்கும் ஒரு அற்புத காந்தக் குரல் இந்தக குரலுக்குறிய மனிதர் யார்? அவர்தான் புனித பால். அவரது சொற்பொழிவு எல்லோரையும் பிரம்மிக்க வைத்தது. புனித பாலின் பிரசங்கத்தால் பெறிதும் கவரப்பட்ட தேக்லா மூன்று நாட்கலாக தன் வீட்டு ஜன்னலைவிட்டு நகரவே இல்லை. தேக்லா தன் நிலை மறந்தாள் தன் பேர் மறந்தாள். தன் ஊர்மறந்தாள். தன் உறவை மறந்தாள். தான்னைபெற்ற தன்தாய் தியோகிலாவை மறந்தாள் அவள் அறிந்ததெல்லாம் இயேசு…இயேசு…இயேசு மட்டும்தான்.

தன் பெண் தேக்லாவின் மனமாற்றத்தை கவனித்த தியோகிலா எல்லாம் அந்த ரோமையன் சொட்டைத்தலையனால் (புனித பவுல்) வந்த வினை. போனால் போகிறது என்று போதிப்பதற்கு இடம் கொடுத்ததால் எனக்கு இத்தனை மோசம் வந்தது. என் மகளுக்கு ஏதேதோ மந்திரம் மாயம் செய்து அவளுக்கு துற்புத்தி சொல்லி முழுவதுமாக மாற்றி வைத்துவிட்டான்.அந்த ரோமையன்  ( புனித பால் ) அவன் நாசமாகப்போக. இருக்கட்டும் அவனையும் அவளையும் நான் என்ன செய்கிறேன் பார் என்று கர்கித்தாள் உடனே தன் தம்பி தாமிரிஸ் என்பவனை அழைத்தாள் அவன் வந்தவுடன் தம்பி. உன்மனதில் என்ன இருக்கின்றது என்பதை  நான் நன்றாக அறிவேன் உனக்கு என் மகள் தேக்லாவை திருமணம் செய்துகொள்ள ஆசை . அப்படித்தானே. நான் சம்மதிகின்றேன். உடனடியாக திருமணத்திற்கு ஏற்பாடு செய். என்றாள். மாப்பிள்ளை தாமிரிஸ் மிகுந்த சந்தோஷத்துடன் திருமண ஏற்பாடுகளை கவனிக்க ஆரம்பித்துவிட்டான். ஆனால் அது அவ்வளவு சுலபமான காரியம் அல்ல. தேக்லா திருமணத்திற்கு  சம்மதிக்கவில்லை. இதனால் மனமுடைந்துபோனான் மாப்பிள்ளை தாமிரிஸ்.. அவனுடைய கோபம் புனித பால் மீது திரும்பியது. தனக்கு திரும ண நிச்சயமான பெண்ணை மனமாற்றம் செய்வித்தததாகவும் ரோமைய சாம்ராஜ்ஜியதிற்குட்பட்ட நாடுகளில் தடை செய்யபட்ட கிறிஸ்தவ மதத்தை போதித்ததற்காகவும் இவ்விதமாக பல கன்னிப்பெண்களின் திருமண ஆசையை  சிதைத்ததற்காகவும் புனித பவுலின்மீது குற்றம் சாட்டப்பட்டது. அபோதைய ரோமையகவர்னராக இருந்த ஐகோணியம் அதிபதி புனித பாலுக்கு சவுக்கடிகளும் நாடு கடத்தும் தண்டனையும் கொடுத்தார். புனித பால் அதன்படி சிறையில் அடைக்கபட்டார். இந்த சிறையில் தேக்லாவும் புனித பவுலும் இருந்ததற்கு சாட்ச்சியமாக புனித பவுலையும் தேக்லாவையும் சுவர் ஓவியமாக வரைந்து வைத்திருக்கின்றனர்.. அந்த சிறையும் அதிலுள்ள சுவ்ர் ஓவியங்களும் இன்றளவும் உள்ளன. இந்த சுவ்ர் ஓவியங்களினால் புனித பவுல் மற்றும் தேக்லா ஆகியோர் எப்படி இருந்திருப்பார்கள் என்று நாம் அறிந்துகொள்ளலாம்.

   சிறையில் புனித பால் சவுக்கடிகள் பல பட்டதினால் மிகவும் சோற்வுற்றிருந்தார் இதை கேள்விபட்ட தேக்லா தன் நகைகளையும் பணத்தையும் எடுத்துக்கொண்டு சிறைக்காவலர்களிடம் லஞ்சம் கொடுத்து புனித பாலுக்கு தேவையான அனைத்து உதவிகளும் செய்து மூன்று நாட்க்கள் அவருடனே தங்கிவிட்டாள். வயதுவந்த தன் மகள் தேக்லா மூன்று நாட்களாக வீட்டில் இல்லாத்தால் அவள்தாய் தியோகிலாவும் அவள் சகோதனும் முறைமாப்பிள்ளையும் ஆன தாமிரிசும் தன் கோபத்தின் உச்சிக்கே சென்றனர் அதனால் தன் மகள் என்றும் பாராது  தாயும் தான் நிச்ச்யித்த பெண் தனக்கு துரோகம் செய்துவிட்டாள் என்று மாப்பிளையும் ரோமைய ஆளூனரிடம் முறையிடவே தேக்லாவுக்கு  உயிரோடு எரித்துக்கொல்லும் மரண தண்டனை தீர்ப்பாயிற்று. அதன்படி அந்த ஐகோணியும் பட்டிணத்தில் இருந்த ரோமர்களின் விளையாட்டரங்கத்தில்  நடுவே ஒரு பெரும் மேடையின் நடுவே இருந்த ஒரு பெரும் தூண் ஒன்றில் சங்கிலிகளால் கட்டப்பட்டாள் தேக்லா.

ஆட்டம் ஆரம்பித்தது.

ஐகோணியத்தின் ரோமை ஆளுநன் காஸ்டில்லோ வந்து தன் இருக்கையில் அமர்ந்தான். தன் உரையை ஆரம்பித்தான். “ தேக்லா…ரோமையின் அளுகைக்கு உட்பட்ட எல்லா நாடுகளிலும் கிறிஸ்த்துவமதம் தடை செய்யபட்டிருகின்றது. இது தெரிந்தும் நீ அதை ஏற்றுக்கொண்டாய். நீ உயர்குடியில் பிறந்ததை முன்னிட்டு உனக்கு ஒரு வாய்ப்பு தருகின்றேன் இயேசுவை இனிமேல் கனவில்கூட நினைப்பதில்லை என சத்தியம் செய். உனக்கு உயிர்பிச்சை தருகின்றேன் “ என்றான்.

  இதற்கெல்லாம் மசிபவளா தேக்லா.” ஆளுனறே…என்தேகமெல்லாம் தீயால்; எரிந்து சாம்பல் ஆனாலும் நான் என் நேச இயேசுவை ஒரு நாளும் மறுதலிக்க மாட்டடேன்.”  என்றாள்.  ஒரு சிறுபெண்ணிடம் தான் தோற்றுவிட்டதால் கடும் கோபம் கொண்டான் ஆளுனன். அடுத்து அவன் வாயிலிருந்து வந்தது இடிமுழக்கம்.  “கொளுத்துங்கடா அந்த சிருக்கியை. “ அவ்வளவுதான் தேக்லாவை சுற்றி அடுக்கப்படிருந்த மரங்கள் மளமளவென்று தீயை கக்க ஆரம்பித்தன. தேக்லாவின் உதடுகள் பரலோகத்தில்  இருக்கின்ற என்னும் ஜெபத்தை சொல்லிக்கொண்டிருந்தன. அப்போது வானிலிருந்து இறங்கியது ஒருபெரும் சூரைக்காற்று. இயற்கை பெரும் கோரத்தாண்டவம் ஆடிற்று. திடீரென பெரும் மழை கொட்டியது. இதனால் தேக்லா காப்பாற்றப்பட்டாள். இதைகண்ட   மக்கள் அனைவரும் தேக்லா வணங்கும் தெய்வம் உண்மையில் சக்திமிகுந்த தெய்வம் என்று பெரும் குரலில்  யேசுவை வாழ்த்திப்போற்றினர்.

தேக்லாவின் தாயார்,” மகளே தேக்லா நீ வணங்கும் தெய்வம் உண்மையில் சக்தியுள்ள தெய்வம்தான் என்பதை நான் கண்ணாறக்கண்டு கொண்டேன். இனிமேல் உன் விருப்பதிற்கு மாறாக நான்  நடக்கப்போவதில்லை. உன் எதிர்கால வாழ்விலும் நான்  தலையிடப்போவதிலை. என்மகள் எப்போதும் சரியான முடிவைதான் எடுப்பாள் என்பதில் எனக்கு எப்யோதுமே நம்பிக்கை உண்டு. நீ இப்போது போ.   என்றைக்காவது ஒரு நாள் உன் தாயை பார்க்கவேண்டும் என்னும் எண்ணம் உனக்கு வந்தால் அப்போது  என்னிடம் வா. அப்போது இந்த கிழவி இருப்பேனோ  என்னவோ  தெரியாது. ஆனாலும் என் வீடு உனக்காக எப்போதும் திறந்தே இருக்கும். போய்வா “ என்மகளே தெக்லா “ என்று அவளை கட்டி அணைத்து முத்தமிட்டு வழியனுப்பி  வைத்தாள்

அந்தியோக்கியாவில் பயங்கரம்.

 புனித பாலும் தேக்லாவும் திருத்தொண்டிற்கு  போகும் இடங்களில் எல்லாம்  மக்களை நல்வழிப்படுத்தியும் அற்புதங்கள் பல செய்துகொண்டும் எண்ணற்ற மக்களை கிறிஸ்த்துவர்களாக மதம் மாற்றினர். இப்படியாக துருக்கியின் தென் பகுதியில் அமைந்துள்ள அந்தியோக்கியா என்னும் பட்டிணத்துக்கு வந்தனர். இந்த அந்தியோக்கியா பட்டிணத்தில்தான் புனித பேதுரு  முதன்முதலாக இயேசுவின் திருச்சபையை ஸ்தாபித்தார். அதுமுதலே  இயேசு கிறிஸ்துவை பின்பற்றியவர்கள் கிறிஸ்த்துவர்கள் என்று அழைக்கபட்டனர் .தேக்லா தான் ஒரு பெண் என்பதை மறைத்து ஆண்போல தன்னை மாற்றிக்கொண்டு பெண்களிடத்தில் இருக்க வேண்டிய அச்சம், மடம், நாணம், கற்பு என்னும் புண்ணியங்களைபற்றி பிரசங்கித்து பல  கன்னிப்பெண்களின் வாழ்கையை மாற்றினாள். ஒருநாள்  தேக்லாவின்  உண்மை வெளிப்பட்டது. இதைகண்டவன் அந்தியோக்கியாவின் ஆளுநன்  அலெக்சாண்டர்  என்பவன்.

     தேக்லா இவ்வளவு பெரும் அழகியா… அவளை எப்படியும் அடைந்து விட வேண்டும் என்னும் ஆசையால் தூதுவிட்டுப்பார்த்தான்… ஆசைகாட்டிப்பார்த்தான்….மிரட்டியும் பார்த்தான். தேக்லா எதற்கும் மசியவில்லை. ஒருநாள் தனிமையில் ஒரு தெருவின் ஒரத்தில் தேக்லா வரும்போது  ஏற்கணவே குடிபோதையில் இருந்தவனுக்கு காம போதையும் ஏறிவிட்டதால்  தேக்லாவை கற்பழிக்க முயன்றான். இதனை எதிபாராத தேக்லா தன்னை சுதாரித்துக்கொண்டு அவனுடன் போராடினாள் தேக்லா அவனை அடித்து துவம்சம் செய்துவிட்டாள். அவன் அங்கி கிழந்தது. கிரீடம் கீழ விழுந்தது. முகத்தில் ஏற்பட்ட காயத்தால் இரத்தம் வழிந்தது. இந்த களேபரத்தில் கூட்டம் கூடிவிட்டது. ஆளுனன் அலெக்சாண்டரின் மானம் கப்பல் எறியது. இதனால் ஏற்பட்ட அவமானத்தாலும் கோபத்தினாலும் அடுத்தநாள் அரசவையை கூட்டி தேக்லாவுக்கு கொடூரமான மரணதண்டனை வழங்கினான் அதுவும் சிங்கங்களுக்கு இறையாகக்கூடிய கொடிய மரணம். இதற்காக ஆணும் பெண்னுமாய் நான்கு சிங்கங்கல்  வரவழைக்கப்பட்டு நாங்கு நாட்களாக பட்டிணிபோடப்பட்டன. அந்த நாங்கு நாட்க்களும் தேக்லாவும் பட்டிபோடப்பட்டு சிறையில் வைக்கபடார். தனது முடிவு நெருங்கிவிட்டாதால் அதை தைரியமாக சந்திக்க தன்னை தயார் செய்தாள். அவள் மனதில் தாவீது ராஜாவின் சங்கீதம் இப்படியாக ஓடிக்கொண்டிருந்தது.

“   என் ஆயர் ஆண்டவர் எனக்கென்ன குறைவு எனக்கென்ன குறைவு.

   இருள் சூழ்ந்த பகுதியில் நான் நடந்தாலும்

    மருள் கொண்ட வாழ்வு எனை வதைத்தாலும்

    இறைவா என் நெஞ்சில் நீர் என் றும் உள்ளீர்

 ஆயிற்று…. ஐந்தாம் நாள் வந்தது. அந்தியோக்கியாவின் ரோமர்களின் மரண விளையாட்டு அரங்கம் நிரம்பி வழிந்தது. பலவிதமான சாகஸ விளையாட்டுகள் அரங்கேறின. போட்டிகளில் தோற்றவர்களுக்கு மரணம்தான் பரிசு. ஜெயித்தவர்களுக்கு மலர்கிரீடம் பரிசு. கடைசியில் எல்லோரும் எதிர்பார்த்திருந்த சிங்கம்தழுவுதல் போட்டி. தேக்லா சங்கிலிகளால் கட்டப்பட்டநிலையில் அரங்கத்தைச்சுற்றி  இழுத்து வரப்பட்டாள். முன்னோட்டமாக  மாரணதண்டனை கைதிகள் பலர் பலவிதமான  முறையில்  கொல்லப்பட்டனர். கடைசியில் தேக்லாவின் முறை வந்தது. பல மக்கள் மிகுந்த ஆரவார ஒலி எழுபினர். ஆனால் ரகசிய கிறிஸ்த்துவர்கள் பலர் வாய்விட்டு அழ முடியாமல் முகத்தை மூடிக்கொண்டு விம்மிவிம்மி அழுதனர். தேக்லா மரண அரங்கத்தின் நடுவில் நின்றாள். கூண்டில் அடைபட்ட சிங்கங்கள் திறந்து விடபட்டன. நாங்கு நாட்க்கள் பட்டிணியிருந்த சிங்கந்கள் வெறிகொண்டு வெகு மூர்க்கமாக தேக்லாவின் மீது பாய வந்தன..ஆனால் இங்குதான் ஆண்டவரின் அருள் தேக்லாவின் மீது இறங்கியது.

 அந்த நான்கு சிங்கங்களும் தேக்லாவின் பாதத்தின் முன் அமர்ந்து அவள் காலை நாய்க்குட்டிகள் போல் நக்கிக்கொண்டிருந்தன. ஆளுநன் மற்றுமல்லாது அந்த அரங்கத்திலிருந்தவர்கள் அனைவரும் பிரம்பித்து நின்றனர். சிலா கிறிஸ்த்தவர்கள் பயம் நீங்கி  “இயேசு கிறிஸ்த்துவே உமக்கு புகழ் “என்றனர்    வெறி கொணெடான் ஆளுநன் அலெக்சாண்டர். “ அந்த சிங்கங்களை கொல்லுங்கள் “ என்றான். வீரர்கள் சிங்கங்களின்மீது அம்பு போடவே அவை சுய நினைவு பெற்றன.  ஆண் சிங்கங்கள் தேக்லா மீது பாய  பெண் சிங்கங்கள் அதனை அனுமதிக்கவில்லை. இதனால கோபமுற்ற ஆண் சிங்கங்கள் பெண் சிங்கங்கள் மீது பாய்ந்து அவற்றை கொண்று திண்றன.பசி தீர்ந்த ஆண் சிங்கங்கள் அவள் காலடியில் சாதுவாய் சாய்ந்தன. இவ்விதமாக ஆண்டவராகிய இயேசு கிறிஸ்த்து  தேக்லாவை சிங்கங்களின் வாயிலிருந்து  காப்பாற்றினார். ஆளுநன் தேக்லாவைப்பார்த்து  “ அடியே சின்ன சிறுக்கி,  இன்றைக்கு என்னிடமிருந்து தப்பித்துக்கொண்டாய்…. எனக்கும் ஒரு காலம் வரும். அப்போது காட்டுகிறேன் பார் நான் யாரென்று.. இப்போது போ என் முகத்தில்  இனி விழிக்காதே “ என்று கர்ஜித்தான்.

இதுவரை தேக்லா எத்தனையோ பேருக்கு புனித பவுல் ஞனஸ்நானம் கொடுத்திருந்தாலும்  ஏதோ காரணத்திற்காக தனக்கு அவர்  திருமுழுக்கு கொடுக்கவில்லை. இப்போது புனித பவுல் கையால் திருமுழுக்குபெரும் வாய்ப்பும் இல்லை அவர் ரோமுக்கு சென்றுவிட்டார்.  தான் இன்னும்  ஞானஸ்நானம்  பெறாததை  உணர்ந்த தேக்லா தனக்குத்தானே ஞானஸ்நானம் கொடுக்க அருகில் இருந்த ஒரு பெரிய ஏரிக்கு சென்றாள் அங்கேயும் அவளுக்கு காத்துக்கொண்டிருந்தது ஒருபெரிய ஆபத்து.

   அந்த ஏரியில் பல கடற்சிங்கங்கள்(seal ) இருந்தன. ஏதாவது இறையைகண்டால் அதன் தந்த கோரைப்பற்கலால் குத்தி குதறி தின்றுவிடும் குணம் கொண்டவை. இந்த ஏரியில்தான் நம் தேக்லா தனக்குத்தானே  ஞானஸ்நானம் கொடுக்க குதித்தாள். இங்கும் இயசுவின் வல்லமை வெளிபட்டது. தேக்லா தனக்குத்தானே ஞானாஸ்நானம் கொடுத்துக்கொண்ட பிற்பாடு அங்கிருந்த கடல் சிங்கங்கள் தேக்லாவை தாக்கிக்கொல்ல நெருங்கின தேக்லா தண்ணீருக்குள்ளேயே ஞாஸ்நானம் பெற்றுக்கொணடாள். அவள் தண்ணீரின் மேற்பரப்பிற்கு வருவதற்குள்ளாகவே  பெரும் இடியும்  மின்னலும் அந்த ஏறியில் இறங்கின. அதனால் ஒரு பெரும் தீப்பிளம்பு ஏரிமுழுவதும் பரவிற்று. அதனால் தேக்லாவைத்தவிர அந்த ஏரியில் இருந்த எல்லா  உயிரினாங்களும் மடிந்தன. தண்ணீருக்கு வெளியே வந்த தேக்லா நடந்ததை அறிந்து ஆண்டவராம் இயேசுக்கு நன்றிபல கூறினாள். மீண்டும் தேவ ஏவுதலால் புனித பால்  ரோமில் இருப்பதை அறிந்து ரோம் சென்றாள்.

ரோமில் பலகாலம் புனித பாலுடன் இணைந்து பல புதுமைகள் செய்து அவள் குருநாதருக்கு உதவியாக இருந்தாள். புனித பால் தியோக்லாவை அவள்  பிறந்த ஐக்கோணியத்துக்கு அனுப்பி அங்கு இறைப்பணிக்கு அனுப்பினார். தான் பிறந்த நாட்டில் தன்தாய் வீட்டில் அவளதுதாயார் இன்னும் உயிரோடு இருப்பதை அறிந்து மிகவும் சந்தோஷம் அடைந்தாள் அவளது முறை மாமன் ஏற்கனவே மரித்திருந்தான். தனது தாயார்  மறைந்த பிறகு சிரியாவுக்கு ஊழியத்திற்காக வந்தாள். இங்கும் வந்தது தொல்லை. அந்தியோகிய  அலெக்சாண்டரை நினைவிருகின்றதா ? இவன் இங்கும் வந்து தனக்கு தொல்லை கொடுப்பான் என்று தேக்லா கனவிலும் நினைத்திருக்க மாட்டாள்.

“ அடியே தேக்லா உன்னை அவ்வளவு சீக்கிரம் மறந்துவிடுவேன் என்று நினைத்தாயா …உன்னை என்ன செய்கிறேன் பார்    என்று அவள்மீது பாய்ந்தாள். தேக்லா அவனை தள்ளிவிட்டு ஓடினாள். அடேய்  தீவட்டி தடியர்களே ஓடுங்கள் … பிடியுங்கள்… அவளை கூட்டாக சேர்ந்து  கற்பழிப்போம் “

தேக்லாவுக்கு எங்கிருந்துதான் அவ்வளவு பலம் வந்ததோ….தன்னை தாக்க வந்தவர்களை தள்ளிவிட்டு ஓடினாள் ஓடினாள்… வாழ்க்கையின் ஓரத்துக்கே ஓடினாள். முடிவாக ஒருமலை குறுக்கிட்டது. அதற்கப்பால் பெரும் கல் மலைதான் .இதற்குமேல் தன்னால் தப்பிக்க முடியாது என்று உணர்ந்த தேக்லா தன் இருகரம் கூப்பி “ ஆண்டவரே இயேசுவே இனிமேல்  என்னால் முடியாது….உம் சித்தம் போல் எனக்கு ஆகட்டும் “ என்றாள் அப்போது அந்த அதிசயம் நடந்தது. தேக்லாவுக்கு முன்னால் இருந்த அந்த ஒற்றைக்கல் மலை இரண்டாக பிளந்து வழி ஏற்பட்டது. மீண்டும் ஓடினாள். எதிரிகளும் பின்தொடர்ந்து ஓடி வந்தனர். தேக்லா அந்த உயரமான கல்மலையில் ஏறினாள். அதன் உச்சிக்கே சென்றுவிட்டாள் அங்கு ஒரு பெரும் குகை இருந்தது. தன்னை பாதுகாப்பதற்காக அந்த குகையினுள் சென்றாள். உடனே அந்த குகை தேக்லாவை உள்ளே வைத்துக்கொண்டு முற்றிலுமாக மூடிக்கொண்டது. இந்த மலைப்பகுதியில் பல குகைகள் உள்ளன. எங்கும் குடிக்க தண்ணீர் கிடைக்காது.  அலெக்ஸாண்டர் தேக்லாவை எங்கு தேடியும் காணாதபடியினால் “ இனிமேல் தேக்லாவை தேடுவது வீண் வேலை. இங்கு இருக்கும் ஒவ்வொரு நிமிடமும் ஆபத்து. இந்த பகுதியில் எங்கும் தண்ணீர் கிடையாது. ஆகவே நாம் இங்கிருந்து ஓடிப்போவோம் என்று தப்பிச்சென்றனர்.

  ஆக நம் புனிதை தேக்லாவை உயிருடன் பார்த்த கடைசி நபர் அலெக்ஸாண்டராகத்தான் இருக்க முடியும். இங்கும் ஆண்டவராகிய இயேசு ஒரு புதுமை செய்தார். மூடிக்கொண்ட குகையினுள் தேக்லா வாழ்வதற்காக ஒரு இனிமையான் சுனையை ஏற்படுத்தினார். அந்த சுனை இன்றளவும் இனிமையான நீரை கொடுத்துக்கொண்டிருகின்றது. இந்த குகையினுள் தேக்லா எப்படி இறந்தார்… எப்போது இறந்தார் என்பது யாருக்கும் தெரியாது.

தேக்லா பற்றிய மேலும் சில தகவல்கள். தேக்லா அந்த குகையிலிருந்து  வெளியே வந்து மீண்டும் புனித பாலை சந்திக்க ரோம் சென்றதாகவும் அப்போது ரோமில் புனித பால் தலைவெட்டப்பட்டு இறந்துவிட்டதாகவும் அவரை ரோமிலே புதைத்துவிட்டதாகவும் கூறப்படவே தேக்லாவும் அங்கேயே தங்கி தேவ ஊழியம் செய்து தன் தொன்னூராம்  வயதில் வேத சாட்ச்சியாக மரித்துப்போனதாகவும் அவரை புனித பால் கல்லறைக்கு அருகில் உள்ள குகைக்கல்லறயில் புதைதிருப்பதாகவும் இதற்க்கு சாண்றாக அவரது கல்லறையின் மேல் தேக்லாவின் சுவர் ஓவியம் இருப்பதாகவும்  கூறப்படுகின்றது. 

புனித பாலின் கல்லறை புணருத்தாரம் செய்யும்போது  புனித பாலின் திருவுருவம் ஒரு மொசைக் தட்டில் வரையப்பட்டிருந்ததால் அதன்மூலம் புனித பாலின் உருவம் எப்படி இருந்திருக்கும் என நாம் உணர்ந்துகொள்ள முடியும்.

 தேக்லா புனித பாலை சந்திக்க முடியாதலால் ரோமிலிருந்து மீண்டும் தன் தாய் நாடான ஐகூணியத்திற்கு வந்ததாகவும் தன் முதிர்ந்த வயதில் அங்கேயே மரித்ததாகவும் அவரது கல்லறை இன்றளவும்  அங்கேயே இருப்பதாகவும் கூறப்படுகின்றது. இப்படியாக தேக்லாவுக்கு பல  இடங்களில் பல கல்லறகளிருப்பதால்  ஆதாரமில்லாத எதையும் ரோமன் கத்தோலிக்க திருச்சபை ஏற்பதில்லை எனவே தேக்லாவை புனிராக அங்கீகரிக்கவில்லை என்று ஒரு செய்தி. ஆனால் கிழக்கு ரீதி திருச்சபைகள் தேக்லாவை புனிதையாகவும் புனித பாலின் இணை அப்போஸ்த்தலராகவும் அங்கீகரித்திருகின்றனர்..

 சிரியாவில் டமஸ்கஸ் நகருக்கு தென்பகுதியில் உள்ள மௌலாலா என்னும் ஊரில்தான் தேக்லா மறைந்த அந்த குகை உள்ளது. இங்குள்ள கிறிஸ்த்துவர்கள் இயேசுநாதர் பேசிய அர்மாயிக் மொழியையே இன்றளவும் பேசுகின்றனர். அவர்களுக்கு தேக்லா என்றால் உயிர். தேக்லாவின் திருவிழா செப்டெம்பர் 24 இன்றளவும் இங்குள்ள கிறிஸ்த்துவர்கள் மௌலாவின் குகையில்  தேக்லாவின் திருவிழாவை வான வேடிக்கையுடன் கொண்டாடி வருகின்றனர். இப்போதும் தேக்லாவின் குகை மௌலால  நகரில் ஒரு சிறந்த யாத்திரை ஸ்தலமாக உள்ளது.

இப்போதும் மௌலாலா குகையின் மீது ஒரு பெரும் மடாலயம் உள்ளது அரமாயிக் மொழியில் மோலாலா என்றால் திறந்திடு என்பது அர்த்தமாம்.

" நாளை என்பது என்ன "

 நாளை என்பது என்ன

   இயேசுநாதர்  வேதாகம சுருளை படித்து முடித்துவிட்டு அதை  தேவாலய தலைவரிடம் கொடுத்தார். அப்போது கூட்டத்திலிருந்து ஒருவன் ,” இதோ இஸ்ராயேலை ஆளப்போகும் அரசர்.. வாக்களிக்கப்பட்டவர், நம் ஜனங்களை ஒன்றாக கூட்டிசேர்ப்பவர் “ என்று கட்டியம் கூறினான்.

         இயேசுநாதர் தம் கரங்களை விரித்து கூட்டத்தினரை அமைதிப்படுத்தி தன் பிரசங்கத்தை ஆரம்பித்தார்.

   “ உங்களை அர்ச்சிக்க வந்தவர் எழுந்துவிட்டார். அவர் இந்த அலுவலுக்காக  தம்மையே தயாரித்து  தம் இல்லத்தின் மறைவிலிர்ருந்து வெளியே வந்துவிட்டார். அவர் உங்களுக்கு  சுத்திகரிப்பின் முன்மாதிரிகை காட்டும்படியாக தம்மை சுத்திகரம் செய்துகொண்டார். தேவாலத்திலிருகிற வலியவர்களுடனும் கடவுளுடைய பிரஜைகளுடனும்  தம் ஸ்தானத்தை உறுதி செய்துகொண்டார். அவர் இப்போது உங்கள் நடுவில் இருகின்றார். அது நானே. புகைபடர்ந்த மனங்களுடனும், அமைதியற்ற இதயங்களுடனும் உங்களுள் சிலர் எண்ணுவதையும் எதிர்பார்ப்பதையும் போல்ல. எதிர் காலத்தில் தான் அரசனாக இருக்கப்போவதும் உங்களை அழைக்கப்போவதுமான இராஜ்ஜியம் அதைவிட அதிகம் பெரியதுமாகும்.

       இஸ்ராயேலே… மற்றேல்லா ஜனங்களுக்குள்ளும்  முன்னே உன்னை நான் அழைக்கிறேன்.ஏனென்றால் இந்நேரத்தின் வாக்குறுதியையும்  உங்கள் பிதாக்களின் பிதாக்களிடத்தில் நீங்கள் பெற்றுக்கொண்டீர்கள். ஆனால் அவருடைய இராஜ்ஜியம் ஆயுதம் அணிந்த கும்பல்களாலோ அல்லது காட்டுத்தனமான  இரத்தம்  சிந்துதலாலோ ஏற்படுத்தப்படாது. பலவந்தக்காரரும், மக்கலை அடக்கி ஆள்பவர்களும், ஆங்காரிகளும், கோபக்கார்களும், காய்மகாரர்களும், இச்சைப்படுவோரும்,, பொருளாசைகாரரும் அதில் நுழைய மாட்டார்கள். மாறாக  நல்லவர்களும், சாந்தமுள்ளவர்களும், பொருமை உள்ளவர்களும், கடவுளையும், தங்கள் அயலாலரையும் நேசிகிறவர்கள் மட்டுமே  அதில் அனுமதிக்கப்படுவார்கள்….

          இஸ்ராயேலே… புற எதிரிகளுடன்  நீ சண்டையிடும்படி கேட்க்கப்பட்வில்லை. உங்கள் அக எதிரிகளோடு சண்டையிடுங்கள். உங்கள் எலோருடைய இருதயங்களிலும்  இருக்கின்ற எதிரிகளுக்கு எதிராகவே சண்டையிடுங்கள். ஆயிரமாயிரமான  உங்கள் பிள்ளைகளின் இருதயங்களில் இருக்கிற எதிரிகளுக்கு எதிராகவே போரிடுங்கள் .நாளை… கடவுள் உங்களை ஒன்றுகூட்டி சேகரிக்க  வேண்டுமென நீங்கள் விரும்பினால், என் ஜனங்களே  யாராலும் தோற்கடிக்கப்பட முடியாதது உங்கள் இராஜ்ஜியம். அதை உங்கள் எதிரிகள் தோற்கடிக்கவோ அதன்மேல் படைஎடுக்கவோ, நசுக்கிவிடவோ முடியாது என்று ஆண்டவர் உங்களிடம் கூறும்படி விரும்பினால் உங்கள் எல்லோர் இதயங்களிளும் இருக்கின்ற பாவம் என்னும் தடையை அகற்றுங்கள்.

          இஸ்ராயேலே கேள். நாளை… அது எந்த நாள்.ஒரு ஆண்டு… அல்லது ஒருமாத காலத்தில் வருவதா?. அதை துருவி அறிய  விரும்ப வேண்டாம். குற்றமுள்ள  மந்திரவாதத்தை போன்ற வழிகளால்  எதிர்காலத்தை ஆய்ந்தறியும் தவறான ஆசைக்கு இடமளிக்க வேண்டாம். காலங்களின் இரகசியத்தை  நித்திய கடவுளுக்கு விட்டுவிடுங்கள். நாளை… இன்று மாலைக்குப்பின் வரும் காலையில் இன்று இரவுக்குப்பின் சேவல்கூறும் நேரத்தில் எழும் காலையில் வந்து  உண்மையான தபசினால் சுத்திகரமடையுங்கள்.

         இஸ்ராயேலே கேள்… மன்னிப்படையும்படியாகவும்  தேவனின் இராஜ்ஜியத்துக்கு ஆயத்தம் அடையும்படியாகவும் பச்சாதாபப்படுங்கள். பாவம் என்னும் தடுப்பை உங்களிடமிருந்து அகற்றுங்கள். ஒவ்வொருவனிடமும் தன் தன் பாவத்தடை இருகின்றது. நித்திய  இரட்ச்சண்யத்திற்கான பத்துக்கற்பணைகளுக்கு எதிரான பாவம் ஒவ்வொருவனிடத்திலும் இருகின்றது. நேர்மையுடன் உங்கள் மனசாட்ச்சியை சோதித்து பாருங்கள். அப்போது உங்கள் தவறுகளை கண்டுகொள்வீர்கள். உண்மையான தாழ்ச்சியுடன் மனஸ்தாபப்படுங்கள். நீங்கள் கட்டாயமாக மனம் திரும்ப வேண்டும். உங்கள் வாயால் மட்டுமல்ல. உங்களால் கடவுளை பரிகசிக்கவோ அல்லது ஏமாற்றவோ முடியாது. நீங்கள் வாழும் முறைகளை மாற்றக்கூடிய உறுதியான மனதோடு தேவனுடைய சத்தியதிற்கு  திரும்பிவரும் வகையில் மனஸ்தாபப்படுங்கள். மோட்ச்ச ராஜ்ஜியம் உங்களுக்காக காத்துக்கொண்டிருக்கின்ரது. அதுவே நாளை…

       இஸ்ராயேலே கேள்…நாளையா என்று நீங்கள் கேட்க்கலாம். ஓஓஓஓ…. கடவுளின் நேரம் எப்போதுமே சீக்கிரத்தில் வருகின்ற நாளை தான். பிதாப்பிதாக்களின் வாழ்நாளைப்போல  நீண்ட வாழ்வின் இறுதியில் வந்தாலும் அது அப்படித்தான். நீங்கள் கணக்கிடுகின்ற நாள், மாதம், வருடம்,நூற்றாண்டு  என்பதெல்லாம்  உங்களை உயிருடன் வைத்திருகின்ற  நித்திய இஸ்பிரீத்துவின்  இருதய துடிப்புகள்தான். உங்கள் ஆன்மாக்கள் நித்தியமானவை. ஆதலால் நீங்களும் உங்கள் ஆன்மாக்களுக்கு உங்கள் சிருஸ்ட்டிகர் கொள்வதுபோன்ற கால அளவையே கொள்ளவேண்டும். ஆகையால் நீங்கள் நாளை என்பது என் மரணத்தின்  நாள் என்றே சொல்ல வேண்டும். ஆனால்  விசுவாசம் உடையவருக்கு அது மரணமல்ல. அது எதிர்பார்த்திருக்கும் இளைப்பாற்றி. மெசையா வந்து மோட்ச்ச கதவை திறக்கும்படி அவருக்காக காத்திருத்தல் ஆகும்.

         இஸ்ராயேலே கேள்… இதோ நான் உங்களுக்கு கூறுகிறேன். இங்கே இருகிறவர்களில் இருபதேழு பேர் மாத்திரமே இறந்து அப்படி காத்திருப்பீஎர்கள். மீதிப்பேர் தங்கள் மரணத்திற்க்கு முன்பே நியாயத்தீர்ப்படைவார்கள். அவர்களுடைய மரணம்  எந்த தாமதமும் இல்லாமல் ஒன்றில் கடவுளிடம்  செல்வதாக இருக்கும். அல்லது சாத்தானிடம் செல்வதாக இருக்கும். ஏனென்றால் மெசையா வந்துவிட்டர். அவர் உங்கள் நடுவில் இருகின்றார். உங்களுக்கு சுவிசேசத்தை கொடுப்பதற்காக  உங்களுகு சத்தியத்தை போதித்து உங்களை மோட்ச்சத்தில் பாதுகாப்பதற்காக  உங்களை அழைக்கிறார்.

    இஸ்ராயலே   என் ஜனமே  கேள்…. தவம் செய்யுங்கள். மோட்ச இராஜ்ஜியத்தின் நாளைய தினம் அருகில் இருகின்றது. நீங்கள் நித்திய நாளை சொந்தம் ஆக்கிக்கொள்ளும்படியாக நீங்கள் தூய்மையாய் இருப்பதை அந்த நாள் காண்பதாக. சமாதானம் உங்களோடு இருப்பதாக.”

      இஸ்ராயேலே  கேள்…உங்கள் ஆங்காரத்திற்காகவும்….உலகப்பிரகாரமாய் உங்களை ஒரு தேசம் என்று நீங்கள் கருதியதற்காகவும் யாவே உங்களை தண்டித்திருகின்றார். ஆனால் அவர் உங்களை எவ்வளவு நேசிகின்றார்… உங்களுடன் எவ்வளவு பொருமையாய் இருகின்றார். மற்ற யாவரையும் விட உங்களிடம் அப்படி இருகின்றார்.  தன் மெசியாவான இரட்ச்சகரை உங்களுக்கு தந்திருகிறார். நீங்கள் அவருக்கு செவிகொடுத்து  கடவுளின் கோபத்தின் நேரத்திற்கு முன்பே காப்பாற்றும்படியாகத்தான் அவர் பொருமையாக இருகின்றார். நீங்கள் இனிமேலும் பாவிகளாய் இருக்க அவர்  விரும்பவில்லை.. அவர் கடந்துபோகின்ற உலக காரியங்களில் உங்களை தண்டித்து அந்தக்காயம் உங்கள் ஆத்துமாக்களை குணப்படுத்தவில்லை, மாறாக அது உங்களை மேலும் மந்தமாக்குகின்றது என்று அவர்  கண்டதினால்  அதற்குமேல் உங்களுக்கு வேறு தண்டனையை அனுப்பாமல் உங்களுக்கு இரட்சண்யத்தை தருகின்றார். உங்களை குணப்படுத்துகின்ற உங்களை இரட்ச்சிகிற உங்களுடன் பேசுகின்ற என்னை உங்களுக்கு அனுப்பி இருகின்றார்.

    இயேசுநாதர் இவ்வாறு பிரசிங்கித்துக்கொண்டிருக்கும் போது கூட்டத்தில் ஒரு சலசலப்பு ஏற்பட்டது. குற்றம் கண்டுபிடித்தே பேர்வாங்கும் புலவர்கள் இருப்பதுபோல இயேசுநாதரின் போதகத்தில் குற்றம் குறை காணும் நோக்கில் சில பரிசேயர்கள் அவர் மட்டில் எரிச்சல் பட்டுக்கொணார்கள். இவர் தன்னை மெசியா என்றும் நம்மை இரட்ச்சிக்க வந்த இரட்ச்சகர் என்றும் கூறுகின்றாரே இதென்ன போதனை.. இது நிச்சயமாக தவறான போதனை தான் என்று முனுமுனுத்தனர்.

      ஒருவன் துணிந்து எழுந்து,” இதுவரை இஸ்ராயேலுக்கு வந்த எந்த தீர்க்கதரிசியும் உம்மைப்போல் தன்னை  கடவுளீன் பிரதிநிதி என்று துணிந்து கூறவில்லை.ஆனால்…நீர் யார்?...இப்படிப்பேசுகின்ற நீர் யாருடைய ஆணையின் மேல் பேசுகின்றீர்.? என்றான்.

 ‘” நான் என்னைப்பற்றிக்கூறுவதை தீர்க்கதரிசிகள்  தங்களைப்பற்றிக்கூற முடியவில்லை. நான் யார்.?. நான் எதிர்பார்க்கப்பட்டவர். வாக்களிக்கப்பட்டவர். இரட்ச்சகர்.அவருடைய முன்னோடியாகிய  யோவான் ஸ்நானகர்  சொன்னதை நீங்கள் ஏற்கனவே கேட்டி இருக்கின்றீர்கள்.” ஆண்டவருடைய வழியை ஆயத்தம் செய்யுங்கள். இதோ ஆண்டவறகிய கடவுள் வ்ருகின்றார். அவர் உண்மையான பாஸ்காவின் செம்மறியாக இருந்தாலும் ஓர் ஆயனைப்போல்  தம் மந்தைக்கு உணவளிப்பார்.. உங்களில் அனேகம் பேர் அந்த வார்த்தைகளை முன்னோடியிடமிருந்து கேட்டீர்கள். மேலும் வான மண்டலங்கள் ஒளியால் மிளிர அந்த ஒளி ஒரு புறாவின் வடிவில்  இறங்குவதை அவர்கள் கண்டார்கள். நான் யார் என அந்தக்குரலையும் கேட்டார்கள். நன் யாருடைய ஆணையின் மேல் பேசுகின்றேன்? இருக்கின்றவரும் என்னை அனுப்புகிறவருமான அவருடைய ஆணையின்மேல் பேசுகின்றேன்..”

 “  நீர் இப்படி சொல்லுகின்றீர். ஆனால் நீர் ஒரு பொய்யனாகவோ அல்லது கனவு காண்பவனாக கூட இருக்கலாம் அல்லவா?. உம்முடைய வார்த்தைகள் புனிதமானவைகளகத்தான் இருகின்ரன. ஆனால் சில சமயங்களில் சாத்தான் புனித்தல் பூசப்பட்ட ஏமாற்று வார்த்தைகளை மக்களை ஏமாற்றுவதற்காக  உபயோகிகிறானே. உம்மை நாங்கள் அறியவில்லை?”

“ நான் இந்த உலகத்தின் பிரகாரமாக தாவீதின் கோத்திரத்தில் சூசையினுடைய யேசு. நான் பெத்லஹேம்  என்னும் எப்பிரத்தாவில்  வாக்களித்தபடியே பிறந்தேன். நாசரேத்தில் வாழ்ந்ததால். நசரேயன் என்று அழைக்கப்படுகின்றேன். கடவுள் பிரகாரமாக  நான் அவருடைய தூதுவன். என்னைப்பற்றி என்னுடைய சீடர்கள் அறிந்திருகின்றார்கள்.”

“ ஓஓஒ. அவர்களா… அவர்கள் தாங்கள் சொல்வதை அல்லது நீர் அவர்களுக்கு சொல்லிக்கொடுத்ததை சொல்ல முடியும்.. இந்த சாட்சியத்தை நாங்கள் ஏற்றுக்கொள்ள் முடியாது “

  “ அப்படியானால் என்னை அறியாத அல்லது என்னை நேசியாத  இன்னொருவன் சொல்லுவான் நான் யாரென்று இங்கிருகின்ற ஜனங்களுள் ஒருவனை கூப்பிடுகின்றேன். சற்று பொறு”

  இயேசுநாதர்  அங்கிருக்கும் பெரும் கூட்டத்தை பார்க்கின்றார். இந்த கூட்டத்தில் பலருக்கு  இந்த விவாதம் எரிச்சலாகவும் சிலருக்கு மிகுந்த ஆர்வமாகவும் இருந்ததால் கூட்டம் இரண்டாக பிரிகின்றது. சிலர் இயேசுநாதருக்கு ஆதரவாகவும் சிலர் அவருக்கு எதிராகவும் பேச ஆரம்பித்தனர்.

   இயேசு கூட்டத்திலிருந்த ஒருவனைப்பார்த்து, “ அக்கேயுஸ்.. இங்கே வா..இது என் கட்டளை” என்றார்.

   அப்போது கூட்டத்தில் ஒரு பரபரப்பு காணப்படுகின்றது. ஒரு மனிதன் எழுந்து வருவதற்கு ஒரு வழி விடப்படுகின்றது. அந்த மனிதன் உடல் முழுவதும் நடுங்குகின்றான். ஒரு ஸ்த்ரீ அவனை தாங்கி வருகின்றாள். அவள் அந்த மனிதனுடைய தாயாக இருக்கக்கூடும். இயேசு தன்னிடம் கேள்வி கேட்டவனை பார்த்து…” மனிதா… இந்த மனிதனை உமக்கு தெரியுமா”? என்றார்.

   அந்த மனிதன்” ஓஓஓஓ. இவனை எங்களுக்கு நன்றாகத்தெரியுமே… இவன் இந்த கப்பர்னாஹூம் ஊரை சேர்ந்த மலாக்கியின் மகன் அக்கேயுஸ். இவனை ஒரு அசுத்த ஆவி பீடித்திருகின்றது. திடீர் வலிப்புகளால் அவனை வாதிக்கின்றது.”

 இயேசுநாதர்,” இந்த மனிதனுக்கும்  எனக்கும்  எந்த விதத்திலேயாவது தொடர்பு இருந்தென்றோ அல்லது இருக்கின்றது என்றோ உங்களாள் கூற முடியுமா? இந்த மனிதன் என்னிடம் சில நிமிட நேரமாவது பேசி இருகின்றான் என்று யாராவது கூற முடியுமா “

“ இல்லை.. இல்லை.. இந்த மனிதன் அரைப்புத்தி  உடையவன். எங்களுக்குத்தெரிந்து அவன் யாரிடமும் பேசுவதில்லை. அவன்  வீட்டைவிட்டு வெளியே வருவதும் இல்லை. உம்மையும் அவனையும் சேர்த்து வைத்து  நாங்கள் யாரும் பார்த்ததுமில்லை “.

     “ அப்படியானால் அந்த மனிதனை என் முன்னே கொண்டு வாருங்கள்.

அந்த மனிதனுடன் வந்த ஸ்த்ரீ அவனை தள்ளிக்கொண்டும், இழுத்துக்கொண்டும் வருகின்றாள்… அவனோ மேலும் மேலும் நடுங்குகின்றான். அப்போது ஜெப ஆலயத்தலைவன்  இயேசுவிடம்,” ராபி.. ஜாக்கிரதை… இந்த மனிதனை அசுத்த ஆவி பீடிக்கும்போது அவனை மிகவும் வாதிக்கும். அப்போது அவன் தன்னை சுற்றி இருப்பவர்களை மிகுந்த ஆக்ரோஷத்தோடு தாக்குவான். கடிப்பான்… குதறுவான்..பெரும் காயங்களை ஏற்படுத்துவான் .. எனவே அவன் மட்டில் மிகுந்த கவனம் தேவை “ என்றார்.

இயேசுநாதர்  தன்னிடம் நேருக்கு நேராக நிற்கும் அந்த மனிதனைப்பார்த்து,” அக்கேயுஸ்… நான் யார் என்று நீ சாட்ச்சியம் கூறுவாயாக” என்றார்.

அக்கேயுஸ் என்னும் அந்த மனிதன் யாரோ தன் வாயை கட்டவிழ்த்து விட்டதுபோல முக்கினான் … முனகினான். அழுதான்… ஆர்பாட்டம் செய்தான்.பிறகு பெரும் குரலெடுத்து ,”நாசரேத்தூர் இயேசு… எங்களுக்கும் உமக்கும் என்ன இருக்கின்றது. எதற்காக எங்களை வாதைப்படுத்த வந்திருகின்றீர். பரலோக பூலோக ஆண்டவராயிருகின்ற நீர் எதற்காக எங்களை அழிக்க விரும்புகின்றீர். நீர் யாரென எங்களுக்குத்தெரியும். நீர் கடவுளின் பரிசுத்தர். மானிட சரீரமுள்ள யாரும் உம்மைவிட பெரியவன் இல்லை. ஏனென்றால் உம்முடைய இந்த மானிட சரீரத்தில் நித்திய ஜெய சீலருடைய ஆவி உள்ளடக்கபட்டிருகின்றது.ஏற்கனவே நீர் எங்களை வென்றுவிட்டீர்”

“ போதும்… இனிமேல் நீ பேச வேண்டாம். அமைதியாய் இரு. இந்த மனிதனைவிட்டு வெளியேறும்படி நான்  உனக்கு கட்டளையிடுகின்றேன். “

அவ்வளவுதான். அக்கேயுஸ் என்னும் அந்த மனிதனை பீடித்திருந்த அந்த அசுத்த ஆவி அவனைவிட்டு வெளியேறியது.  அப்போது அந்த மனிதனுக்கு நூதனமான வலிப்புகள் ஏற்படுகின்றன. பெரும் ஊளைச்சத்தத்துடன் அவனை படாதபாடு படுத்திவிட்டுத்தான்  அவனைவீட்டு நீங்கியது.

இயேசுநாதர் தன்னிடம் கேள்விகேட்ட அந்த பரிசேயனைப்பார்த்து ,” அக்கேயுஸின்  சாட்ச்சியத்தை கேட்டாயல்லவா… இப்போது என்ன சொல்லுகின்றாய்.?” என்றார்.

அந்த பரிசேயனுக்கு என்ன சொல்வதென்றே தெரியவில்லை. தன் தோல்வியை ஒப்புக்கொண்டவனாய் தன் தலையை தொங்கப்போட்டுக்கொண்டு அனைவர்முன்னிலையிலும் தான் அவமானமாக தோற்றவனைப்போல் அந்த கூட்டத்திலிருந்து வெளியேறினான். இயேசுநாதருக்கு முன்னால் தன்னால் எதுவும் பேசமுடியாததைக்கண்டு வேறுவழியின்றி தன் பற்களை நறநறவென்று கடித்துக்கொண்டும் தன்தோள்களை ஆட்டிக்கொண்டும் தேவாலயத்தைவிட்டு வெளியேறினான்.

தன்னிடமிருந்த அசுத்த ஆவி வெளியேறியதைக்கண்ட அக்கேயுஸ் ஏதோ புதுப்பலம் பெற்றவனைப்போல நின்றுகொண்டிருந்த அவன் தடாலென இயேசுநாதரின் கால்களில் விழுந்து கண்ணீர் மிகவும் பெருக்கி, “ நன்றி இயேசுவே… நன்றி இயேசுவே என்று அவர் பாதங்களில் அனேக முத்தி செய்துகொண்டே இருந்தான். இயேசுநாதர் அவனை தூக்கிவிட்டு,” அக்கேயுஸ்… இனிமேலும் நல்லவனாக இரு … போய் உன் வாழ்க்கையை நல்லவிதமாக அமைத்துக்கொள் “ என்று வாழ்த்தி அவனை அனுப்பினார். பிறகு அங்கிருந்த அனேகருக்கு அனேக நன்மைகள் செய்து வாழ்த்தி அனுப்பினார். இந்த நிகழ்ச்சிக்குப்பிறகு இயேசு நாதரின் புகழ் மேலும் அதிகமாக பரவியது.

என் குறிப்பு.: இந்த கதையை நான் வாசித்ததுமே இந்த சம்பவம் என் மனதில் ஆழப்பதிந்துவிட்டது. இதைப்போல் ஏறாளமான சம்பவங்களை நான் இந்த புத்தகத்தில் வாசித்திருகின்றேன்.

   இயேசுநாதரின் நாளை என்பது என்ன என்னும் வசனம் கவனிக்கத்தக்கது. அன்று அவர் சொன்ன வார்த்தை இன்றுவரை மிகவும் பொருந்தமாக இருகின்றது. நாளை நாம் இருப்போமா என்னும் காலகட் டதில் நாம் இருகின்ரோம். வேதாகமத்தில் சொல்லியபடி இந்த சாபம் ( கொரானா) யாராலே எப்படி வந்து என்பதை  ஆறாய்வது வீண்வேலை.  அதற்குப்பதில் இந்த சாபத்திலிருந்து நாம் தப்பித்துக்கொள்ள நம்மை நாம் சுத்திகரம் செய்துகொள்வோம் நாம் விடும் ஒவ்வொரு மூச்சுக்காற்றும் பரிசுத்த ஆவி நமக்கு கொடுத்த மிகப்பெரும் கொடை. இந்தக்கொடை நீடித்திருக்க வேண்டுமானால் நாம் நம்மிடையே இருக்கும் பாவம் என்னும் தடையை அகற்றுவோம். மீண்டும் கடவுளுடம் ஒப்புறவு ஆவோம்.

     தூத்துக்குடி ரோசா மிஸ்டிகா பதிப்பகத்தாரின் வெளியீடான கடவுள் மனிதன் காவியம் என்னும் இந்த புத்தகம்  பத்து புத்தகங்கள் கொண்டது. அனைத்தும் தங்ககுடம் புதையலாக கிடைத்து போன்ற பரவசம்  படிப்போர் உள்ளத்தில் ஏற்படும். பதிப்பகத்தாருக்கு நன்றி.ஒவ்வொரு கிரிஸ்த்துவன் வீட்டிலும் பைபிளுக்கு அடுத்தபடியாக இருக்க வேண்டிய ஒரு புத்தக தொகுப்பு.கடவுள் மனிதன் காவியம்.